Хүний ахуйн амьдралд мэдэх, мэдэхгүй олон асуудал тулгарч байдаг. Тэр бүгдийг бид зүй ёсны дагуу хийж сурна гэдэг биднээс ихээхэн мэдлэг шалтгаална.
   Тэгвэл та бүхэндээ ахуйн жижиг хэрнээ төдийлөн мэддэггүй асуудлуудыг хэрхэн шийдэх тухай зөвлөмж, зөвлөгөөнүүдийг хүргэж байна.

                     Жинсийг арчлах арга:
Жинс бидний өдөр тутмын хувцасны нэг. Гэхдээ бид жинсийг хэрхэн арчлахаа мэддэггүйгээс болж хэдэн угаалтын дараа л өнгөө алдсан байхыг нь анзаардаг. Тиймээс жинсийг арчлах, тордох хэдэн дүрмийг баримтлах хэрэгтэй.

•      Жинсийг 40-50 хэмээс дээш халуун усанд угааж болохгүй.
• Цайруулах нунтгаар жинсийг угааж болохгүй.
• Угаахын өмнө жинсээ эргүүлж, цахилгааныг нь товчилно.
• Шинэ жинс эхний угаалтаар будаг гарч болно. Энэ бол хэвийн үзэгдэл бөгөөд үүнийг жинсний чанар муу гэж хэлж болохгүй.
• Жинсийг наранд бүү хатаа. 
• Жинсээ угаасны дараа шууд индүүдэж болно. Энэ үед жинс зөөлөн болж, индүүдсэний дараа шинэхэн мэт харагдана.